ڕۆژی دووەم تیشک خرایە سەر پەرەپێدانی هاوکاری و پلاندانان بۆ پرۆگرامەکانی داهاتووی DAAD و یەکێتی ئەوروپا. بەرپرسانی زانکۆ و شاندی ئەڵمانی کۆبوونەوە بۆ تاوتوێکردنی پرۆگرامەکانی نوێی پشتگیری دارایی و پرۆسەی پێشکەشکردنی داواکاری بەتایبەتی ئامادەکارییەکان بۆ پرۆگرامی Erasmus +. دواتر شاندەکە لەگەڵ نوێنەرانی وەزارەتی خوێندنی باڵا و توێژینەوەی زانستی هەرێمی کوردستان کۆبوونەوە بۆ ناساندنی تیمی پڕۆژەکە و دەستپێکردنی پرۆسەی پێشکەشکردنی داواکاری بۆ بنیاتنانی توانا لە خوێندنی باڵا دا. شاندەکە پشوازییەکی گەرمیان لێکرا لە لایەن وەزارەتەوە و بەڕێزیان بەڵێنی پشتیوانی تەواویان دا بە درێژایی قۆناغی پێشکەشکردن.
لە کاتێکدا شاندی ئەڵمانی بەشداری گفتوگۆکانیان دەکرد، قوتابیانی زانکۆی نێودەوڵەتی تیشک دەرفەتیان بۆ ڕەخسا کە بەشداری لە وۆرکشۆپێکدا بکەن کە هاوتا ئەڵمانییەکانیان پێشکەشیان کرد. ئەم وۆرکشۆپە بووە دەرفەتێک بۆ ئاڵوگۆڕی زانیاری لە نێوان قوتابیان و ئاشنابوون بە کەلتووری هەردوولا. دواتر پێکەو هەموو قوتابیان و مامۆستایان گەشتێکیان بۆ شاری دڵڕفێنی پارێزگای ئاکرێ (هێمای ئاهەنگی نەورۆز) ئەنجامدا و سەرسامبوون بە سروشتی جوانی کوردستان.
ئەم سەردانە بەرهەمدارەی شاندی زانکۆی براندنبێرگی ئەڵمانی ئاماژەیە بۆ هەنگاوێکی هیوابەخش بۆ پرۆگرامی ناوەندی داهێنانی پرۆژەکان. هاوکاری نێوان زانکۆی نێودەوڵەتی تیشک و دامەزراوەکانی ئەڵمانیا بە پاڵپشتی DAAD توانای ئەوەی هەیە کە داهێنان و پێشکەوتن لە چوارچێوەی پرۆگرامی هاوکاری زانستی (Ta’ziz) بکات. سەرکەوتنی پڕۆژەکە بەندە بە هەوڵە هاوبەشەکانی هەردوولا و پشتیوانی وەزارەتی خوێندنی باڵا و توێژینەوەی زانستی هەرێمی کوردستان.
